Franza għelbu liċ-champions renjanti, l-Olanda, fil-ħin barrani biex waslu fis-semi-finali tal-Kampjonat Ewropew għall-ewwel darba.
Huma ddominaw għal ħafna ħinijiet u kienu wkoll sfortunati li ma rebħux fil-ħin normali … iżda fil-102 minuta kienet Eve Perisset li kisbet il-goal tar-rebħa għall-Franċiżi mill-11-il metru biex nhar l-Erbgħa jiltaqgħu mal-Ġermanja f’Milton Keynes.
Dan wasal wara li Kadidiatou Diani ġiet iffawljata minn Dominique Janssen fil-kaxxa, deċiżjoni li ngħatat wara li r-referee kkonsultat il-monitor tal-VAR.
