L-Italja bdiet it-tħejjijiet għall-partiti ta’ kwalifikazzjoni li ġejjin għall-Euro 2024 kontra Malta u l-Ingilterra fiċ-ċentru tat-taħriġ tagħhom f’Coverciano.
Luciano Spalletti sejjaħ 26 player għall-waqfa internazzjonali ta’ Ottubru u kien sfurzat jagħmel xi bidliet wara t-tmien round tas-Serie A, li rat lill-koppja ta’ Lazio, Ivan Provedel u Mattia Zaccagni, jirtiraw minħabba injury.
L-ewwel żewġ logħbiet tal-Italja taħt Spalletti ntemmu fi draw kontra l-Maċedonja ta’ Fuq u rebħa kontra l-Ukrajna, u għalhekk il-partitarji jinsabu eċċitati li jaraw kif se jwettaq it-team fit-tieni round ta’ partiti taħt it-tmexxija tal-coach il-ġdid, Spalletti.
L-Azzurri bdew jitħarrġu f’Coverciano nhar it-Tnejn, bl-istilla ta’ Juventus, Federico Chiesa, ma jieħux sehem waqt li Giovanni Di Lorenzo ta’ Napoli segwa t-taħriġ minn fuq il-ġenb.
