Malta telgħet biex tilgħab mal-Portugall, il-Polonja u l-Italja hekk kif nhar l-Erbgħa telgħu l-poloz tal-finali tal-Kampjonat Ewropew tal-UEFA ta’ taħt id-19-il sena fit-Teatru Manoel fil-Belt Valletta.
Malta, li se tkun qed tagħmel id-debutt tagħha f’tournament finali ta’ Taħt id-19-il sena, kienet l-unika team seeded fi Grupp A.
Il-Greċja, l-Iżlanda, in-Norveġja u Spanja se jkunu qed jilagħbu fi Grupp B
L-ewwel tnejn f’kull grupp se jgħaddu għall-fażi tan-knockout.
Il-Portugall kienu l-aqwa seed fit-tournament. Huma rċevew bye fir-round ta’ kwalifikazzjoni, u kisbu punti massimi mill-Elite Round Grupp 4 grazzi għal rebħa ta’ 1-0 fuq l-Iżvezja u rebħiet identiċi ta’ 3-0 fuq ir-Repubblika Ċeka u l-Kroazja. Huma rebħu l-kampjonat fl-2018, u waslu sal-finali 11-il darba.
Il-Polonja rebħet Grupp 5 fir-round ta’ kwalifikazzjoni grazzi għal żewġ rebħiet ta’ 2-0 fuq il-Bosnja Ħerzegovina u l-Estonja, fejn tilfu bl-iskor ta’ 0-1 kontra l-Italja. Fir-Round tal-Elite, huma ġew draw 1-1 mal-Iżrael, għelbu lill-Latvja 3-0 qabel ġew draw ieħor, din id-darba ta’ 2-2, mas-Serbja. Huma waslu sal-finali darbtejn.
L-Italja waslet sal-finali tmien darbiet, u rebħet l-EURO ta’ taħt id-19-il sena fl-2003. Huma kkwalifikaw għar-Round Elite minkejja li kklassifikaw it-tielet fi Grupp 5 wara telfa ta’ 0-2 kontra l-Estonja, rebħa ta’ 3-2 fuq il-Bożnja Ħerzegovina u rebħa ta’ 1-0 fuq il-Polonja. FiG rupp 2 tal-Elite Round, huma għelbu lill-Ġermanja 3-2, fejn kisbu draw ta’ 0-0 mas-Slovenja u draw ta’ 2-2 mal-Belġju.
Dati tal-partiti
Fażi tal-gruppi L-Ewwel Ġurnata: 3/4 ta’ Lulju
Fażi tal-gruppi it-Tieni Ġurnata: 6/7 ta’ Lulju
Fażi tal-gruppi It-Tielet ġurnata: 9/10 ta’ Lulju
Semi-finali: 13 ta’ Lulju
Finali: 16 ta’ Lulju
Il-partiti se jintlagħbu fl-Istadium Nazzjonali, is-Centenary Stadium, it-Tony Bezzina Stadium u l-Gozo Stadium.
