Everton kellhom taħditiet dwar trasferiment potenzjali għal Philippe Coutinho ta’ Barcelona.
L-internazzjonali Brażiljan deher 12-il darba fil-La Liga dan l-istaġun, u skorja darbtejn fil-proċess, filwaqt li għamel ukoll erba’ dehriet fiċ-Champions League.
Madankollu, dan l-aħħar il-midfielder ġie marbut ma’ ċaqliq ‘il bogħod mill-Camp Nou, u trasferiment barra minn Spanja jista’ jsir kmieni mix-xahar id-dieħel.
Huwa mifhum li saru taħditiet ma’ Everton dwar mossa potenzjali li se tara lil Coutinho jirritorna fil-Premier League biex jingħaqad mat-Toffees.
Il-player ta’ 29 sena qatta’ ħames staġuni u nofs fl-Ingilterra meta kien ma’ Liverpool, u ngħaqad ma’ Barcelona fit-tieqa tat-trasferimenti ta’ Jannar lura fl-2018.
Everton bħalissa jinsabu fil-15-il post tal-klassifika tal-Premier League, bit-team iffaċċja ħafna injuries matul l-istaġun.
