Everton naqsu milli jassiguraw lill-ex manager Roberto Martinez bħala s-suċċessur ta’ Rafael Benitez, iżda issa qed jikkunsidraw lill-coach ta’ Roma, Jose Mourinho.
Il-coach tal-Belġju Martinez jinsab fl-aħħar sena tal-kuntratt tiegħu mat-team nazzjonali, iżda l-FA Belġjana huwa maħsub li rrifjutat li teħles lill-Ispanjol mir-rwol attwali tiegħu bit-Tazza tad-Dinja fil-qatar qed toqrob lejn tmiem din is-sena.
It-Toffees intqal li huma lesti li jippermettu lil Martinez jaqdi rwol doppju, li permezz tiegħu jista’ jkompli l-pożizzjoni tiegħu mal-FA Belġjana filwaqt li jieħu f’idejh il-club mill-Premier League, proposta li ġiet miċħuda.
Fi tmiem il-ġimgħa saru diskussjonijiet biex Martinez jieħu post Benitez f’Goodison Park u s-sid Farhad Moshiri huwa ammiratur ta’ Mourinho, li se jipprova jakkwistah fit-tmexxija ta’ Everton.
Mourinho bħalissa qed jimmira li jgħin lil Roma jiskbu post fl-Ewropa fis-Serie A, filwaqt li kandidati oħra bħal Frank Lampard huma bla xogħol u jistgħu jkunu soluzzjoni aktar faċli u mgħaġġla.
Everton jinsabu fis-16-il post fil-klassifika tal-Premier League, sitt punti biss fuq iż-żona tar-relegazzjoni iżda għandhom żewġ logħbiet f’idejhom fuq Norwich City.
