Is-sewwieq Awstraljan tal-Formula Wieħed, Oscar Piastri, irreġistra l-ewwel rebħa tal-karriera tiegħu meta ttrijonfa fil-Grand Prix tal-Ungerija, b’mod drammatiku minħabba ordnijiet tat-team tiegħu, McLaren, li fihom kien involut il-Brittaniku Lando Norris li spiċċa fit-tieni post.
Fit-tielet post temm il-Brittaniku tal-Mercedes, Lewis Hamilton, li kellu inċident mar-rival Olandiż, Max Verstappen (Red Bull).
Il-kontroversja tal-ordnijiet tat-team tal- McLaren żvolġiet hekk kif iż-żewġ karozzi dehru li kienu se jirbħu l-ewwel żewġ postijiet li kienu ilhom ma jagħmlu dan mill-Grand Prix tal-Italja tal-2021.
Piastri kien qed jillidja lil Norris għal ħafna ħin tat-tiġrija wara li fil-bidu, jiġifieri mal-ewwel kantuniera, huwa mar fuq quddiem fi sfida bejniethom li kienet tinkludi wkoll lil Verstappen.
Iżda pit stop finali aktar kmieni għal Norris – li kienet parti mill-istrateġija tal-McLaren biex jipproteġuh minn Hamilton – ġara li Norris qabeż fuq quddiem.
Iżda Norris intalab kemm-il darba biex inaqqas il-veloċitá u jħalli lil Piastri jgħaddi fil-vantaġġ hekk kif beda jiġi mfakkar ukoll fuq ir-responsabbiltà tiegħu lejn it-team, iżda rrifjuta li jagħmel dan sa żewġ dawriet biss mit-tmiem.
Norris deher li kien se jirrifjuta li jobdi l-ordni, iżda fl-aħħar aċċetta, biex Piastri rebaħ f’ħin ta’ 1:38:01.989.
Intant, fis-63 dawra (minn 70) Verstappen ħabat ma’ Hamilton wara li llokkja l-brekijiet tiegħu wara li dan tal-aħħar ipprova jdur bil-konsegwenza li ħabtu rota ma’ rota, b’Verstappen jogħla bil-karozza iżda fortunatament, it-tnejn baqgħu jikkompetu.
Fit-tielet post daħal is-sewwieq minn Monaco Charles Leclerc (Ferrari) quddiem Max Verstappen.
Il-klassifika ġenerali hija (ta’ fuq): 265 – Max Verstappen; 189 – Lando Norris; 162 – Charles Leclerc; 154 – Carlos Sainz; 149 – Oscar Piastri; 125 – Lewis Hamilton.
