L-aħħar logħba mill-ħames replays tar-raba’ round tal-FA Cup li saru din il-ġimgħa kienet dik li rat lil Fulham tal-Premier League jegħlbu lil Sunderland ta’ League One 3-2 fli Stadium of Light u fir-round li jmiss se jilqgħu lil Leeds United fi Craven Cottage.
Għal Fulham skorjaw Harry Wilson (8), Andreas Pereira (59) u Layvin Kurzawa (82) waqt li Jack Clarke (77) u Jewison Bennette (90) wieġbu għall-Black Cats.
Il-poloz riveduti tal-ħames round tal-FA Cup huma:
Southampton v Grimsby
Leicester v Blackburn
Stoke C. v Brighton
Sheffield U. v Tottenham
Fulham v Leeds U.
Bristol C. v Manchester C.
Man U. v West Ham
Burnley v Fleetwood T.
Jintlagħbu f’nofs il-ġimgħa li tibda 27 ta’ Frar.
