Fi tmiem din il-ġimgħa Wembley Stadium jkun iċ-ċentru tal-attenzjoni meta fih jintlagħbu s-semi-finali tal-FA Cup biż-żewġ konfronti jipprovdu taqtigħat affaxxinanti taħt l-arkata.
Illum Manchester City se jkomplu jfittxu li jirbħu t-treble meta jilqgħu lit-team taċ-Championship, Sheffield United, bil-Blades jibdew bħala underdogs enormi.
Erbgħa u għoxrin siegħa wara jkun hemm il-konfront kollu tal-Premier League bl-istorja tal-istaġun, Brighton, jaslu għal dan l-istadju għat-tielet darba fl-istorja tagħhom.
Huma se jkollhom lil Manchester United bħala l-avversarji tagħhom, bir-Red Devils jiġru wara l-ewwel rebħa tal-FA Cup mill-2016 kif ukoll it-tieni trofew tal-era Erik ten Haag.
MAN C. v SHEFFIELD U.
Dan ma jidhirx li huwa konfront bejn min se jirbaħ iżda iktar b’kemm se jirbħu s-City li qed jittamaw li jirbħu l-Premier League, iċ- Champions League u l-FA Cup.
Forsi l-akbar sors ta’ intriċċi madwar din il-partita huwa x’tip ta’ skwadra se jinżel biha Pep Guardiola, peress li dan huwa mdawwar bejn żewġ partiti importanti ħafna fl-ispinta tagħhom għat-titli msemmija.
Mhux se jkun hemm nuqqas ta’ għażliet jekk is-City jagħmlu rotazzjoni fejn f’dan il-każ Pep Guardiola jista’ iserraħ lill-attakkant stilla, Erling Haaland, qabel il-logħba ferm mistennija tal-Ħamis li ġej kontra Arsenal li tista’ tiddeċiedi d-destinazzjoni tal-kampjonat.
Qabbel dan mal-lista twila ta’ injuries ta’ Sheffield u l-fatt li qed ġejjin wkoll mid-dmirijiet ta’ nofs il-ġimgħa b’logħba tal-kampjonat kontra Bristol City iżid biss il-grad ta’ diffikultà diġà sinifikanti.
Anke jekk is-City sofrew goal f’erbgħa mill-aħħar ħames ħarġiet tagħhom, l-attakk ta’ Sheffield mhuwiex prolifiku u trid togħġob iċ- ċansijiet tat-team tal-Premier League li jgħaddu għall-finali.
BRIGHTON v MAN U.
Jekk kien hemm xi dubju dwar kemm kien tajjeb l-istaġun ta’ Brighton, wieħed għandu jikkunsidra li se jidħlu f’din il-partita bħala favoriti biex jegħlbu lil Manchester United.
Filwaqt li ma tantx kienu jafu biha dak iż-żmien, Brighton taw l-idea ta’ fejn kienu sejrin dan l-istaġun fi tmiem il-ġimgħa tal-ftuħ meta marru f’Old Trafford u għelbu lill-United 2-1.
Dan poġġa l-pjattaforma għall-istaġun notevoli tagħhom u se jġibu xi forma b’saħħitha f’dan il-konkors, bl-unika telfa tagħhom mill-bidu ta’ Marzu tiġi f’ċirkostanzi kontroversjali f’Tottenham.
Il-United jistgħu jinsabu fit-tielet post tal-kampjonat iżda kien staġun ‘l bogħod minn ideali għalihom b’inkonsistenzi li swewlhom spinta għat-titlu.
Madankollu l-FA Cup, li tmur mal-League Cup li rebħu fi Frar, tagħmel tmiem diċenti għall-kampanja mimlija avvenimenti.
Iżda f’dan il-punt, wieħed għandu jappoġġa l-istorja tas-Seagulls, li kienu tant impressjonanti f’dan l-istaġun u rrispettivament liema kwistjonijiet jintefgħu quddiemhom, huma jidhru li kapaċi jsibu modi biex jibqgħu jirbħu.
Hawnhekk il-ħin barrani huwa possibiltá iżda Brighton qed jilagħbu b’ħafna kunfidenza u l-valur tagħhom biex jirbħu fid-90 minuta mhux ta’ min iwarrbu.
Il-United ġejjin minn telfa umiljanti ta’ 3-0 kontra Sevilla fl-Ewropa League, li ma kellhonx staġun sodisfaċenti f’La Liga.
