Floriana …..….2
St George’s …0
Floriana tħabtu ferm aktar milli kien mistenni biex għelbu lit-team miċ-Challenge League, St. George’s, bl-iskor ta’ 2-0 biex qatgħu l-passaġġ għal post fil-kwarti-finali tal-Izibet FA Trophy.
Għalkemm gawdew ħafna mill-pussess għal kważi l-ewwel taqsima kollha, Floriana bdew isibuha diffiċli biex jippenetraw id-difiża Bormliża.
Fil-fatt l-ewwel tentattiv wasal fil-21 minuta meta cross-shot ta’ Brian Gimenez ġie salvat mill-goalkeeper, Andre Spiteri biex seba’ minuti wara, St. George’s kellhom free-kick mix-xellug ta’ Gianluca Sultana li l-goalkeeper Furjaniż, Manuel Bartolo, salva tajjeb.
Fit-33 minuta, Floriana resqu viċin li jiftħu l-iskor b’xutt mill-bogħod ta’ Zachary Cassar bil-ballun jolqot sieq il-lasta wara li Kristian Keqi daħal quddiem il-goalkeeper u għattielu l-viżjoni tal-ballun.
Erba’ minuti wara Floriana reġgħu meta xutt angolat mil-lemin ta’ Aleandro Garzia laqat il-mimduda.
Għat-tieni taqsima, il-coach ta’ Floriana għażel li ma jirriskjax aktar u daħħal lil Ryan Camenzuli, Jan Busuttil u Kemar Reid u fil-fatt kienet azzjoni ta’ dawn iż-żewġ players li fit-48 minuta poġġiet lil Floriana minn fuq. Busuttil għadda l-ballun lejn Kemar Reid li xxuttja fil-baxx bil-ballun jiġi mxellef minn Matheus Freitas da Silva għal auto-goal.
Floriana bdew irabbu aktar kuraġġ u fit-53 minuta, reġgħu marru viċin meta Gauci pprova jantiċipa lil Oualid El Hasni wara azzjoni ta’ free-kick mix-xellug iżda Aaron Spiteri salva tajjeb.
Fit-78 minuta, Garzia resaq viċin li jkabbar l-iskor għal Floriana meta temm ġirja tajba fuq il-lemin b’xutt imxellef minn difensur, li falla bi ftit bid-difiża tikklerja l-periklu.
Fit-82 minuta, Floriana rduppjaw meta wara corner ta’ Arias, Reid bir-ras għadda lejn Busuttil li ndirizza l-ballun lejn EMILIANO CALLEGARI li tefa’ ġewwa mill-viċin.
Erba’ minuti mit-tmiem, Kemar Reid seta’ għamilhom tlieta iżda x-xutt tiegħu li deher destinat għal ġewwa ġie maqlugħ minn fuq il-linja fatali minn Irivin Abela.
FLORIANA: 26-Emanuel Bartolo, 2-Oualid El Hasni, 5-Zachary Cassar, 9-Kristian Keqi (21-Mattia Veselji 69), 10-Ulises Jose Arias (22-Brandon Paiber 80’), 20-Matias Nicolas Garcia, 23-Brian Ariel Gimenez (30-Jan Busuttil 46), 27-Andreas Vella (94-Ryan Camenzuli 46), 28-Emiliano Callegari, 29-Eugeniu Rebenja (8-Kemar Reid 46), 77-Alejandro Garzia – Coach: Gianluca Atzori
ST GEORGE’S: 1-Andre Spiteri, 4-Nicholas Gauci, 5-Matheus Freitas da Silva, 6-Irvin Abela, 7-Ryan Cutajar (77-Jordan Debono 72), 10-Gianluca Sultana, 19-Ryan Sammut, 21-Aaron Sammut, 22-Nick Borg (22-Rafael De Fex 63), 24-Matthew Xuereb, 25-Jose Alejandro Sorza Marin – Coach: Edgar Degabriele
REFEREE: Daniel Portelli
ASS. REFEREES: Chris Francalanza, Mark Ciantar
RABA’ UFF: Ezekiel Barbara
SKORERS: M. Fretias 48 o.g., E. Callegari 82 (F)
AMMONITI: E. Callegari (F); G. Sultana, J. Debono (SG)