Gudja U. …….4
Swieqi U. ……0
Gudja United akkwistaw post mal-Aħħar 16 meta għelbu lit-team taċ-Challenge League Swieqi United bl-iskor konvinċenti ta’ 4-0.
Fl-ewwel nofs siegħa, iċ-ċansijiet ta’ skor kienu minimi bi Swieqi dehru li kienu qed jikkontrollaw tajjeb. Madankollu ladarba Gudja skorjaw l-ewwel goal, huma ma ħarsux lura biex kienet biss kwistjoni ta’ kemm kienu se jiskorjaw goals.
Fir-round li jmiss, huma jiltaqgħu mar-rebbieħa tal-logħba bejn Gzira United u Zabbar St Patrick.
Gudja irnexxielhom jiftħu l-iskor fid-29 minuta meta minn cross ta’ Kyle Gatt, AHINGA BIEVENU SELEMANI kellu xutt mill-ewwel imblukkat mill-goalkeeper bil-ballun jerġa’ jasal għand l-attakkant ta’ Gudja li din id-darba ma falliex.
Fit-38 minuta, Gudja kienu sfortunati li m’ għamluhomx tnejn meta minn cross ta’ Marcelo Dias mil-lemin, daqqa ta’ ras ta’ Nika Dzalamidze laqtet il-minduda.
Iżda żewġ minuti wara, wasal it-tieni goal hekk kif FARID ROMERO ZUNIGA għeleb lill-goalkeeper Jean Claude Debattista b’daqqa ta’ ras wara azzjoni ta’ corner mix-xellug.
Tliet minuti fit-tieni taqsima, Gudja komplew ikabbru l-iskor meta Marcelo Dias ħarab tajjeb fuq il-lemin qabel qassam lejn l-iżmarkat TATSURO NAGAMATSU li skurja b’xutt minn pożizzjoni ċentrali fil-kaxxa.
Fil-50 minuta, it-team immexxi minn Thane Micallef għamilhom erbgħa hekk kif NIKA DZALAMIDZE ħarab fuq ix-xellug u hekk kif qorob lejn il-kaxxa, dar ma’ difensur qabel venven xutt li ma ta ebda ċans lil Debattista jsalva.
Fil-55 minuta l-goalkeeper ta’ Swieqi dawwar f’corner xutt sabiħ minn barra l-kaxxa ta’ Dzalamidze waqt li erba’ minuti wara, Dzalamidze kellu xutt ieħor imblukkat mill-goalkeeper b’Nagamatsu mill-viċin jolqot il-wieqfa. Debattista reġa’ kien prominenti meta dawwar f’corner konklużjoni ta’ Cremona.
Fl-aħħar 20 minuta, Gudja spiċċaw jilgħabu b’10 players meta James Arthur ġie muri l-karta l-ħamra wara li waqqa’ lil Joseph Willy hekk kif dan kien dieħel fil-kaxxa.
GUDJA U.: 12-Duncan Formosa (21-Emanuel Galea 77), 3-Tatsuro Nagamatsu, 10-Llywelyn Cremona, 13-James Arthur, 18-Kyle Gatt, 19-Ahinga Bienvenu Selemani (22-Hubert Vella 54), 24-Farid Romero Zuniga, 25-Juan Bolanos Ramires, 81-Neil Anthony Micallef (27-Justin Grioli 54), 92-Nika Dzalamidze, 99-Marcelo Dias (23-Neil Tabone 63) – Coach: Thane Micallef
SWIEQI U.: 12-Jean Claude Debattista, 2-Samuel Vella (27-Jose Lucas Caetano da Silva 60), 4-Anthony Bartolo, 5-Neil Borg, 6-Kristian Sultana, 7-Isaac Micallef (3-Nathan Gauci 46), 8-Joseph Willy, 14-Fabian Anthony Garcia, 16-Leonardo De Bortoli (25-Axel Fleri 66), 19-Jamie Scerri (11-Mirco Vella 60), 20-Frank Temile (10-Alan David Schembri Wismayer 46) – Coach: Rodney Bugeja
REFEREE: Ezekiel Barbara
ASS. REFEREES: James Muscat, Duncan Spencer
RABA’ UFF: Ishmael Barbara
SKORER: A. Selemani 29, F. Zuniga 40, T. Nagamatsu 48, N. Dzalamidze 50 (GU)
AMMONITI: Ħadd
TKEĊĊA: J. Arhtur 71 (GU)
