Hamrun Spartans ….1
Naxxar Lions ……….0
Hamrun Spartans kisbu post fl-Aħħar 16 tal-FA Trophy grazzi għal rebħa minima fuq it-team taċ-Challenge League, Naxxar Lions.
Kienet logħba nieqsa mill- azzjonijiet. Fil-fatt matul l- ewwel taqsima, iż-żewġ goalkeepers ftit li xejn kienu impenjati waqt li wara l-mistrieħ, kien biss fl-aħħar nofs siegħa li Hamrun kellhom numru ta’ tentattivi lejn il-lasti b’Naxxar jonqsu milli jittestjaw lill-goalkeeper żagħżugħ ta’ Hamrun, Matthias Debono.
Kienu Naxxar li wara biss żewġ minuti marru viċin li jiftħu l-iskor meta xutt bid-dawra ta’ Mark Fenech laqat il-wieqfa. Iżda din kienet biss okkażjoni iżolata għax għal ħinijiet twal, iż-żewġ timijiet bdew jaqsmu l-logħob f’nofs il-ground mingħajr ma jidħlu fil-kaxxa avversarja.
Madankollu, fit-28 minuta, kienu l-Ispartans li fetħu l-iskor meta Christian Mercieca daħal tajjeb fil-kaxxa mix-xellug u għadda l-ballun lejn FAISSAL EL BAKHTAOUI li spara ġewwa mill-viċin.
Man-nofs siegħa logħob, El Bakhtaoui impenja lill-goalkeeper Omar Borg b’daqqa ta’ ras wara cross ta’ Oyama.
Wara bidu kwiet fit-tieni taqsima, fil-61 minuta, minn corner ta’ Oyama, Joseph Mbong impenja bir-ras lil Borg li salva tajjeb. Tmien minuti wara, xutt minn barra l-kaxxa tas-sostitut Predrag Djordjevic ġie mblukkat mill- goalkeeper ta’ Naxxar.
Fit-78 minuta sostitut ieħor, Luke Gambin, ittanta xortih b’xutt b’saħħtu minn barra l-kaxxa iżda Borg salva tajjeb hekk kif Hamrun bdew jippruvaw ikabbru l-vantaġġ.
Erba’ minuti mit-tmiem, il-Ħamruniżi fallew ċans tad-deheb li jirduppjaw meta minn pass ta’ El Bakhtaoui mil-lemin, il-ballun wasal għand Ailton Jorge Soares li minn pożizzjoni ideali tefa’ inkredibbilment għoli biex eżatt mad-90 minuta, El Bakthaoui daħal tajjeb fil-kaxxa mil-lemin iżda x-xutt fil-baxx tiegħu ġie salvat minn Omar Borg.
HAMRUN S.: 24-Matthias Debono, 7-Joseph Mbong, 8-Christian Merceica, 10-Ailton Jorge Soares (77-Shaisen Attard 91), 12-Arthur Oyama, 15-Steve Borg, 20-Matteo Fedele (29-Predrag Djordjevic 66), 30-Karl Micallef, 44-Claude Dielna (23-Luke Gambin 76), 91-Emerson Marcelina, 92-Faissal El Bakhtaoui – Coach: Mark Buttigieg
NAXXAR L.: 27-Omar Borg, 4-Ryan Mercieca, 10-Jurgen Debono, 13-Gabriel Xuereb (9-Edson Cerqueira Farias 55), 14-Ayrton Senna Azzopardi, 15-Ryan Gilmour Cassar, 18-Joel Ellul (11-Gaston Poncet Otero 73), 19-David Fenech (20-Duane Bonnici 55), 21-Mark Fenech, 26-Dimitri Christian Kassekar (23-Andreas Galea 87), 31-Lee Joe Schembri (9-Gilberto Carrara Martins Leite 55) – Coach: George Vella
REFEREE: Darryl Agius
ASS. REFEREES: Vasil Vasilev, Shaun Calleja
RABA’ UFF: Fyodor Zammit
SKORER: F. El Bakhtaoui 28 (HS)
AMMONITI: C. Dielna (HS); D. Kassekar (NL)
