Fabbrika fl-Ukrajna, proprjetà ta’ kumpanija Pollakka ġiet attakkata u ġarrbet ħsarat estensivi. L-attakk twettaq minn drones Russi lbieraħ filgħaxija.
Il-Ministeru tal-Affarijiet Barranin tal-Polonja iddikjara li l-inċident kien intenzjonat.
Ir-Russja lbieraħ filgħaxija attakkat lill-Ukrajna b’mijiet ta’ drones. Fost il-bliet fil-mira kien hemm Vinnytsia, fejn intlaqtet il-fabbrika proprjetà tal-Grupp Barlinek, manifattur Pollakk ta’ pavimenti tal-injam.