L-ex manager ta’ Real Madrid Fabio Capello qal li l-ex club tiegħu għandu jiffoka fuq l-iffirmar “ta’ difensuri ċentrali” iktar milli jagħmel offerta għal Kylian Mbappe.
Il-Los Blancos huma mistennija li jagħmlu kampanja oħra b’saħħitha għal Mbappe fl-2022, wara li fallew milli jikkonvinċu lil Paris Saint-Germain biex ibiegħu lill-internazzjonali ta’ Franza qabel it-tmiem tas-sajf tat-trasferimenti tas-sajf.
Madankollu, Capello sostna li t-team ta’ Carlo Ancelotti għandu minflok ifittex li jsaħħaħ id-difiża tiegħu, wara li ppermetta lil Raphael Varane u Sergio Ramos jitilqu matul is-sajf.
“Huma għandhom bżonn iż-żmien biex jibnu team b’saħħtu; Real Madrid għandhom bżonn difensuri ċentrali,” qal Capello. “Rajthom kontra Mallorca u f’din il-partita da nil-bżonn inħass ferm! Imma fl-attakk m’għandhom l-ebda problema, anke mingħajr Mbappe. Għandhom players interessanti.”
Real Madrid ġabu lil David Alaba fil-Bernabeu bi free transfer qabel l-istaġun il-ġdid, iżda l-ġganti mill-kapitali Spanjola huma nieqsa minn għażliet ta’ esperjenza fin-nofs tad-difiża tagħhom.
Minbarra Mbappe, il-leaders tal-La Liga jidher li qed jippreparaw lijagħmlu offerta għal Erling Braut Haaland ta’ Borussia Dortmund matul it-tieqa tat-trasferimenti tas-sajf li ġej.
