It-tim mhux daqstant magħruf ta Feralpisaló ġie promossi għas-Serie B Taljana għall-ewwel darba fl-istorja tagħhom. Dan il-klabb pjuttost żagħżugħ li ġie mwaqqaf fis-sena 2009 kellu dominju assolut fis-Serie C tant li jinsabu fl-ewwel post tal-klassifika bi 68 punt minn 36 partita u għandhom tmien punti vantaġġ fuq l-eqreb rivali tagħhom Lecco.
Ir-rebħa f’darhom li kisbu kontra Triestina kienet fundamentali sabiex dan it-tim min-naħa ta’ fuq tal-Italja jwettqu din il-ħolma li ħadd ma stenniha.
Il-president ta’ Feralpisalo’ Giuseppe Pasini infaqa’ jibki bil-ferħ ma’ tmiem il-logħba kontra Triestina u qal li ħolma li bdiet 14-il sena ilu, mhux talli ġiet realta’ talli qed tiġi sostnuta dejjem aktar.
