Ferran Torres ġie reġistrat uffiċjalment bħala player ta’ Barcelona wara li Samuel Umtiti estenda l-kuntratt tiegħu mal-ġganti Katalani sal-2026.
Il-Blaugrana laħqu ftehim ta’ flus kbar għal Torres ma’ Manchester City aktar kmieni din ix-xitwa iżda ma setgħux jirreġistraw lill-attakkant minħabba l-problemi finanzjarji li ilhom għaddejjin.
Il-kwistjonijiet ekonomiċi ta’ Barcelona ttaffu wara li ċedew lil self lil Philippe Coutinho lil Aston Villa, u l-estensjoni riċenti ta’ Umtiti tfisser li Torres issa jista’ jieħu sehem fil-partiti tal-La Liga minħabba li l-kwota tal-FFP tal-club qed tiżdied.
Stqarrija fuq fcbarcelona.com qrat li: “FC Barcelona u l-player tal-ewwel tim Samuel Umtiti laħqu ftehim biex jestendu l-kuntratt ta’ dan tal-aħħar sat-30 ta’ Ġunju 2026. Id-difensur Franċiż qed inaqqas parti mis-salarju li kellu jirċievi fl-aħħar sena u nofs li fadallu fil-kuntratt tiegħu.
“Din l-operazzjoni ta’ estensjoni tal-kuntratt ma tinvolvix impenji finanzjarji akbar għal FC Barcelona fir-rigward tal-player.”
“FC Barcelona jixtiequ pubblikament jesprimu l-gratitudni tagħhom lil Samuel Umtiti għar-rieda tiegħu u l-affezzjoni li wera lejn il-club. Permezz ta’ din l-estensjoni tal-kuntratt, FC Barcelona se jkunu jistgħu iżidu l-kwota tiegħu ta’ ‘fair play finanzjarju’ u b’hekk jirreġistraw lil Ferran Torres mal-Lega tal-Futbol Professjonali Spanjol.”
Umtiti – li l-ftehim preċedenti tiegħu ma’ Barcelona kellu jiskadi fl-2023 – lagħab biss logħba waħda għall-club fl-istaġun kollu wara li ma kienx qed jiġi utilizzat minn Ronald Koeman u Xavi.
