Bosta kienu dawk li sa minn sigħat ilu nġabru fit-toroq Għawdxin bi tħejjija għall-ftuħ uffiċjali tal-EuroPride fil-gżira.
Il-Ministru għal Għawdex Clint Camilleri flimkien mas-Segretarju Parlamentari għar-Riformi u l-Ugwaljanza Rebecca Buttigieg se jkunu qegħdin jindirizzaw il-folla f’dan l-avveniment tant mistenni.
Ma setax jonqos li jispikkaw id-diversi lwien fl-ilbies, ix-xagħar u bosta forom oħra ta’ tiżjin li komplew jagħmlu l-atmosfera waħda mill-isbaħ.
