Kien xieraq li fil-preżenza tal-aqwa players u coaches tad-dinja li Pelé jingħata premju speċjali ta’ rikonoxximent f’The Best FIFA Football Awards.
Meqjus b’mod wiesa’ bħala l-akbar player li qatt rat il-logħba, Pelé miet fl-età ta’ 82 f’Diċembru tas-sena li għaddiet wara battalja debilitanti mal-kanċer. Huwa ħalla wirt li qatt mhu se jisparixxi wara katalgu ta’ kisbiet li ma jaqbilx.
Il-President tal-FIFA, Gianni Infantino, mexxa l-ġieħ għal Pelé hekk kif id-dinja tal-footbol tat ir-rispett tagħha. “X’nistgħu ngħidu fuq Pelé? Pelé huwa sempliċiment il-football. Tlifnih, nimmissjawh ħafna iżda Pelé huwa etern. Huwa magħna, dejjem magħna, dejjem se jkun magħna.”
L-uniku player li rebaħ it-Tazza tad-Dinja tliet darbiet – fl-1958, 1962 u 1970 – Pelé kien captain tal-arti tiegħu. Huwa ħabbar il-wasla tiegħu fuq il-palk dinji fil-finali tat-Tazza tad-Dinja fl-1958 fl-Isvezja meta, ta’ 17-il sena biss skorja sitt goals fl-aħħar tliet logħbiet tal-Brażil – dak rebbieħ fil-kwarti-finali, hat-trick fis-semi-finali u tnejn fil-finali.
Huwa kompla skorja 77 goal fi 92 dehra għall-Brażil bl-istatus ikoniku tiegħu marbut sew mal-flokk isfar famuż tal-Brażil u t-Tazza tad-Dinja.
L-Aqwa Premju Speċjali tal-FIFA tiegħu ġie aċċettat minn martu, Marcia Aoki, bir-rebbieħ Brażiljan tat-Tazza tad-Dinja, Ronaldo, jippreżentala t-trofew.
“Meta niftakar lil Pelé, nara player ferm qabel iż-żmien tiegħu,” qal Ronaldo. “Atleta li serva ta’ ispirazzjoni għalija u għan-nies kollha fil-football. Fl-1950, kien diġà player modern. Seta’ jixxuttja biż-żewġ saqajn, Seta’ jaqbeż ogħla mill-oħrajn kollha, kellu kontroll two-touch, skorja rovexxjati u bir-ras, seta’ jagħmel stepovers u kien estremament intelliġenti. Niftakar lilu wkoll bħala ħabib għażiż ħafna. “Meta kelli l-ewwel injury fl-irkoppa fl-2000, hu żarni f’dari, u ġab ħafna mħabba u affezzjoni f’wieħed mill-aktar mumenti diffiċli ta’ ħajti. Sentejn wara, kien preżenti f’wieħed mill-aktar mumenti ferħanin ta’ ħajti, meta jien u sħabi rbaħna t-Tazza tad-Dinja fil-Korea t’Isfel u fil-Ġappun.
“Pelé jibqa’ mfakkar ukoll għall-impatt tiegħu fuq is-soċjetà. Meta kien jilgħab, id-dinja kienet saħansitra aktar razzista milli hi llum. Sportiv iswed, sar ir-re tal-isport l-aktar popolari fid-dinja. Huwa wera li n-nies suwed jistgħu jkunu l-aħjar, l-aktar ta’ suċċess, u jegħlbu r-razziżmu.”