Il-forzi li qed jiġġieldu għall-Gvern Libjan appoġġjat min-Nazzjonijiet Uniti qal li llum daħal fil-belt ta’ Tarhuna, l-aħħar fortizza taħt il-kontroll tal-kmandant Khalifa Haftar, u ħelsu lill-belt ftit wara.
Kelliema militari għall-Gvern ta’ Għaqda Nazzjonali qalu li l-qawwiet tagħhom kienu laħqu ċ-ċentru tal-belt minn erba’ punti differenti.
Il-qawwiet immexxijin minn Haftar ma ħarġu l-ebda stqarrija fir-rigward ta’ dan l-iżvilupp f’Tarhuna. Ilbieraħ il-Gvern ta’ għaqda Nazzjonali qal li kien reġa’ ħa l-kontroll totali tal-kapitali amministrattiva, Tripli, mingħand il-qawwiet ta’ Haftar.
Il-milizja ta’ Haftar ikkonfermaw li huma kienu rtiraw mill-kapitali.
Mijiet ta’ Libjani niżlu fit-toroq biex jiċċelebraw ir-rebħa tal-Gvern tal-Għaqda Nazzjonali.
#Breaking #GNA have breached the last of #Hafter’s strongholds in Western #Libya and have taken full control of #Tarhuna.
— Anas El Gomati (@AGomati) June 5, 2020
The battle for #Tripoli is over & #Hafter’s #LAAF forces have been defeated pic.twitter.com/jiKfVlggnF
