Mill-inqas 20 persuna mietu u mijiet oħrajn indarbu wara li terremot qawwi heżżeż iż-żona tal-Baħar Eġew bejn il-kosta tat-Turkija u l-gżira Griega ta’ Samos.
It-terremot wassal biex iġġarrfu diversi binjiet fil-belt ta’ Izmir li tinsab mal-kosta tat-Turkija. Saħansitra l-midja lokali rrapportat li d-distrett ta’ Seferihisar intlaqat minn tsunami żgħir.
Water flowing through the streets of #Izmir, #Turkey following the strong earthquake. #تركيا pic.twitter.com/XclLYlhZT5
— Raveen Aujmaya (@raveenaujmaya) October 30, 2020
Mill-inqas 20 persuna mietu, fosthom wieħed li miet mgħarraq, b’aktar minn 700 jindarbu kaġun tat-terremot.
L-awtoritajiet Torok qalu li kien hemm 244 aftershock wara t-theżżiża prinċipali, b’erbgħa minnhom jirreġistraw qawwa ta’ aktar minn 4 fuq l-Iskala Richter.
Filmati li kienu ppubblikati fuq Twitter juru l-mument tal-għargħar ikkaġunat mit-terremot.
Ismail Yetiskin, is-Sindku ta’ Seferihisar qal li l-livelli tal-baħar għolew kaġun tat-terremot.
Fil-Gżira ta’ Samos, fejn inħarġet twissija kontra tsunami, żewġ żgħażagħ mietu wara li ntlaqtu minn tiġrif wara li waqa’ ħajt.
L-epiċentru tat-terremot kien fil-Baħar Eġew f’fond ta’ 16.5 kilometri u kien irreġistrat li kellu saħħa ta’ 6.6 fuq l-Iskala Richter.
