Fiorentina kkwalifikaw fil-UEFA Conference League meta fl-aħħar logħba tal-kampjonat Taljan għelbu lil Juventus bl-iskor ta’ 2-0, b’dawn tal-aħħar ikunu diġá aċċertati mir-raba’ post li jfisser kwalifikazzjoni għall-UEFA Champions League.
Il-goals tal-Viola waslu minn Alfred Duncan (45) u Nicolas Gonzales (92 pen).
Min-naħa ta’ Atalanta, dawn komplew jinkurunaw staġun mill-aktar diżappuntanti meta f’darhom sfaw megħluba minn Empoli bl-iskor ta’ 1-0 biex fallew milli staġun ieħor jikkompetu f’kompetizzjoni Ewropea.
Il-goal ta’ Empoli ġie skorjat minn Leo Stulac (79) biex b’hekk il-Bergamaschi temmew fit-tmien post.
