Hekk kif Fiorentina kisbu post fil-finali tal-UEFA Europa Conference League, il-partitarji Viola jinsabu fis-seba’ sema wara dak li rnexxielhom jagħmlu matul dan l-istaġun. Fil-fatt huma rnexxielhom ukoll jaslu sal-finali tal-Coppa Italia fejn se jaffrontaw lil Inter.
Sadanittant id-dilettanti tal-istatistika bdew ifittxu xi ftit informazzjoni dwar Fiorentina u sabu li l-aħħar darba li l-klabb mit-Toskana wasal għal dan it-tragward kien lura għas-sena 1961.
Attwalment, i Viola jinsabu fit-tmien post tal-klassifika u xi ftit maqtugħa għall-post fil-UEFA Conference League tas-sena d-dieħla.
Skont il-kowċ Vincenzo Italiano, it-tim tiegħu għandu bżonn jirbaħ waħda minn dawn il-finali biex jaċċerta ruħu li staġun ieħor jilgħab fl-Ewropa.
