Fiorentina għadhom qed jitkellmu mal-plejer ta’ nofs il-grawnd Gaetano Castrovilli sabiex iġedded il-kuntratt tiegħu. Bħalissa l-ftehim mal-Viola hu dak sa Ġunju 2024 iżda d-diriġenti tal-klabb iridu jaċċertaw ruħhom li dan il-plejer ta’ 26 sena jibqa’ magħhom.
Castrovilli jixtieq li s-salarju annwali tiegħu jiżdied u jiġi għal dak ta’ €2.5 miljun fis-sena. Hu ilu ma’ Fiorentina sa mis-sena 2017 fejn skorja 11-il gowl f’105 logħbiet.
