Il-partitarji ta’ Fiorentina jinsabu ferm eċitati hekk kif id-diriġenti ta’ dan il-klabb minn Firenze qed jiċċaqalqu mhux ħażin sabiex ikollhom skwadra b’saħħitha u li tkun tixraq sabiex jaffrontaw il-kompetizzjonijiet ferm importanti għall-istaġun li ġej.
Wara li Arthur Cabral ħalla lil Viola sabiex ingħaqad ma’ Benfica, wasal f’Firenze Mbala Nzola mingħand Spezia u possibbilment il-gowlkiper Oliver Christensen mingħand Hertha Berlin.
Bosta faħħru s’issa dan is-suq tat-trasferimenti tat-tim favorit tagħhom aktar u aktar meta saru jafu li huma se jkunu qed jipparteċipaw fil-UEFA Europa Conference League minflok Juventus.
