Fl-2022, Genevieve, bint John u Katie Meehan, mietet meta kellha biss disa’ xhur meta tpoġġewha biex torqod wiċċha ‘l isfel fuq bean bag. Huma talbu għal sensiela ta’ miżuri ġodda biex is-sistema tal-childcare tkun aktar sikura.
Ħaddiema tal-childcare ingħatat sentenza ta’ 14-il sena ħabs għal qtil involontarju wara li s-CCTV wriet li kienet keffnet lil Genevieve f’kutra u raqdet wiċċha ‘l isfel fuq bean bag.
Il-ġenituri ta’ Genevieve kienu diġà qed jagħmlu kampanja għal nurseries aktar sikuri meta ħarġu aktar stejjer orribbli ta’ abbuż.
Ħafna caretakers fir-Renju Unit intbagħtu l-ħabs, jew instabu ħatja għal diversi forom ta’ abbuż fin-nurseries.
“Issa hija storja wara storja, fejn it-tfal qed jiġu abbużati jew fiżikament, jew abbużati mentalment, u dan iseħħ fil-partijiet differenti kollha tal-pajjiż…u tassew tal-biża’.” qalet Katie, omm Genevieve.
“It-telfa ta’ Genevieve, qerdet il-ħajjiet tagħna għalkollox,” żiedet tgħid.
Il-Meehans iridu jiżguraw li qatt ma jerġa’ jiġri. Din hija l-ġustizzja li jridu għal binthom.
Katie u John għandhom tliet għanijiet ewlenin. Iridu CCTV obbligatorju fin-nurseries, gwida aħjar dwar irqad aktar sikur, u proċess ta’ spezzjoni aktar robust permezz tal-Ofsted.