Illum saret prattika għal diversis persuni li jużaw il-YouTube biex ixandru filmati li huma jkunu ħadu f’darhom. Hemm oħrajn li jkollhom udjenzi u li dawn juruhom sitwazzjoni li jkunu qed jiġru fid-dar jew f’xi post ieħor.
Każ li ħasad lil ħafna kien jinkludi YouTuber Russu. Hu kien ixandar filmati tat-tfajla tiegħu li kienet tqila. Jidher li hu kien iwettaq abbużi krudili fuqha u wara li jiffilmjaha ixandar dak l-istess filmat ma’ dawk li jkunu qed isegwuh.
Stas Reeflay, allegatament kien iwettaq dawn l-atti krudili fuq Valentina Grrigoryeva. F’wieħed mill-filmati, hu ġegħelha toħroġ fil-gallarija f’temperatura taħt iz-zero. Hi kienet liebsa biss il-ħwejjeġ ta’ taħt.
Qed jirriżulta li Reeflay li għandu 30 sena kien imħallas $1,000 minn wieħed mis-segwaċi tiegħu biex iwettaq abbuż fuqha.
Valentina ta’ 28 sena, li kienet fl-aħħar parti tat-tqala mietet minħabba ipotermja Fil-filmat, Valentina tidher kważi mejta. Hu deher iġorrha l-ġewwa u instema’ jgħid ‘Valya, inti ħajja? Xi ġralek?”. Fil-filmat jidher jippruvalha l-polz.
Idur fuq is-segwaċi u jgħidilhom “m’għandhiex polz. Mhix tieħu nifs”. Il-kamera baqgħet mixgħula sakemm wasslu l-paramediċi u ddikjarawha mejta.
