“Is-sena 2022 kienet waħda rekord fil-films. L-aqwa sena f’għaxar snin. Ħdimna għal dan is-suċċess flimkien. Tajna l-istabilità, wettaqna u llum qed inħarsu ‘l quddiem għal aktar riżultati”.
“Kellna 24 produzzjoni barranija u Maltija li nħadmu ġewwa pajjiżna. Ħadmu aktar minn 900 persuna Maltija u aktar minn 1,000 barrani f’dawn il-produzzjonijiet. 24 produzzjoni li ġġeneraw ‘il fuq minn €85 miljun fl-ekonomija Maltija.”
Ħabbar dan il-Kummissarju tal-Films Johann Grech f’konferenza tal-aħbarijiet li indirizza fil-Malta Film Studios u li preżenti għaliha kien hemm ukoll il-Ministru għat-Turiżmu Clayton Bartolo.