Katavru ta’ raġel instab fil-parti ta’ isfel tal-ajruplan fl-ajruport ta’ Gatwick. It-titjira ta’ Tui kienet telqet mill-kapitali tal-Gambja, Banjul, lejn l-ajruport f’West Sussex.
Il-Pulizija ta’ Sussex qalet li s-sejba saret fl-ajruport għall-ħabta tal-4.00 a.m. fis-7 ta’ Diċembru. Qalu wkoll li l-uffiċjali qegħdin jinvestigaw dan il-każ.
Kelliem għall-ajruport ta’ Gatwick qal: “Din hija aħbar ta’ diqa u ħsibijietna jmorru lejn il-familjari u l-ħbieb tal-persuna mejta”.
Kelliem għal Tui qal: “Nistgħu nikkonfermaw li għaddejja investigazzjoni mill-awtoritajiet wara li fis-7 ta’ Diċembru nstab katavru fuq titjira ta’ Tui mill-Gambja lejn l-ajruport ta’ Gatwick. Nesprimi l-kondoljanzi sinċiera tagħna.”
Kelliem għall-Gvern tal-Gambja qal li r-raġel ta’ karnaġġjon skur għadu mhux identifikat.
