Kif ħeġġeġ l-Isqof f’ittra li kiteb lill-Kappillani, “flok tiżjin bi skeletri, qargħa, friefet il-lejl u sinjali oħra ta’ mewt, inħeġġu biex inżejnu t-twieqi billi jiġu mdawla l-istatwi tal-qaddisin protetturi tagħna u tal-parroċċi tagħna.
Dan kien il-messaġġ li wassal id-Djoċesi ta’ Għawdex f’messaġġ fuq Facebook, fejn appella li jeħtieġ li jibdew minn ximkien bil-għan li tinbidel il-mentalità.
Ingħad li s-sinjali tal-mewt jagħmlu differenza kbira jekk wieħed jiftakar li bħalissa ħafna nies qegħdin imutu taħt l-armi tal-gwerra f’diversi pajjiżi fid-dinja, fosthom fil-post fejn twieled, għex u miet Ġesù.
