Il-president ta’ Real Madrid, Florentino Perez, identifika lil Paul Pogba ta’ Manchester United u lil Aurelien Tchouameni ta’ Monaco bħala ż-żewġ akkwisti preferuti tiegħu f’nofs il-ground dan is-sajf.
Filwaqt li l-Los Blancos m’għandhomx għażliet f’dak id-dipartiment tal-ground, Luka Modric jinsab fl-aħħar parti tal-karriera tiegħu mal-Madrileni.
Jidher li Toni Kroos jaqa’ ħafna f’dik il-kategorija wara li f’xi drabi matul dan l-istaġun tħabat, u bla dubju pproduċa wirjiet li kultant imminaw ix-xogħol l-ieħor ta’ Real Madrid.
Huwa mifhum li Perez irid isaħħaħ dik iż-żona tal-grawnd u l-iskwadra inġenerali, u dan jirriżulta fl-insegwiment tiegħu lejn Pogba u Tchouameni.
Pogba kważi ċertament se jkun qed jitlaq minn Old Trafford fi tmiem il-kuntratt tiegħu fis-sajf, għalkemm hu magħruf li hemm interess fih minn Juventus u Paris Saint-Germain.
Intant, jidher li Tchouameni għandu ammiraturi f’Liverpool, li lesti jimbuttaw bis-sħiħ għall-firma tiegħu, iżda ntqal li l-ġganti Spanjoli huma l-favoriti li jiffirmaw lill-player Franċiż.