Floriana jilħqu lil Birkirkara fil-quċċata tal-klassifika

Floriana ………1

Sliema W. …….0

Minn Cristian Muscat

Floriana għelbu lir-rivali eterni, Sliema Wanderers, biex telgħu jaqsmu l-ewwel post ma’ Birkirkara.

Dan ifisser li issa kollox jinsab lest għall-partita kruċjali u deċiżiva bejn l-istess Floriana u Birkirkara li tagħlaq din l-Ewwel Fażi, bir-rebbieħ ikun dikjarat champion tax-xitwa u jibbukkja post għall-partita deċiżiva ta’ tmiem il-kampjonat, f’Mejju li ġej  … u għaldaqstant fi tmiem il-ġimgħa li ġej mistennija tattendi l-akbar attendenza s’issa fl-Istadium Nazzjo­na­li.

Il-partita kienet waħda bilanċjata fejn iż-żewġ settijiet ta’ players ftit li xejn taw spazju lil xulxin biex jimmanuvraw.

Infatti, l-unika azzjoni denja ta’ nota fl-ew­wel taqsima waslet, fit-43 minuta, hekk kif Floriana fetħu l-iskor meta f’azzjoni maħduma bejn Emerson Santos De Souza u Matias Garcia, l-istess EMERSON SANTOS DE SOUZA, permezz ta’ xutt fil-baxx għaleb għal kollox lill-goalkeeper, Kelvin Agu Emeka.

Fit-58 minuta, il-Wanderers resqu viċin li jiksbu d-draw iżda minn pożiz­zjoni ideali t-tentattiv ta’ Moha­med Awad intemm ftit barra.

Ħames minuti wara, Floriana rreċiprokaw b’xutt ta’ Franklin Sasere minn barra l-kaxxa li għadda ftit għoli.

Fil-91 minuta, Sliema fallew ċans tad-deheb li jagħmlu l-iskor indaqs me­ta cross ta’ Acheampong ġie salvat minn Mafoumbi, biex mir-rebound Myles Beer­man mattar siequ iżda l-konklużjoni tiegħu ġiet salvata għal darb’oħra mill- goalkeeper Furjaniż.

Minuta biss wara, Floriana qalgħu daqqa ta’ ħarta meta tekċċa Fernandinho wara li rċieva żewġ karti sofor fi spazju ta’ ħames minuti.

FLORIANA: 45-Christoffer Mafoumbi, 4-Oualid El Hasni, 8-Jake Grech (22-Kyrian Nwoko 89), 11-Thiaguinho (7-Mattia Veselji 66), 12-Dunstan Vella, 17-Owen Spiteri, 20-Matias Nicolas Garcia, 21-Carlo Zammit Lonardelli, 27-Franklin Sasere, 55-Alexandros Kouro (70-Fernandinho 66), 97-Emerson Santos De Souza   – Coach: Darren Abdilla

SLIEMA W.: 12-Kelvin Emeka Agu, 2-Jean Borg, 5-Neil Frendo (14-Nicholas Strickland 81), 7-Adam Magri Overend, 11-Myles Beerman, 15-Gustavo Alcino, 33-Geoffrey Edwin Acheampong, 42-Simon Zibo (20-Wescley 61), 70-Steve Pisani, 77-Mohamed Awad, 97-Jonata Bastos (9-Vito Plut 61)  – Coach: Paul Zammit

REFEREE: Slobodan Petrovic

ASS. REFEREES: Jurgen Spiteri, Shaun Calleja

RABA’ UFF: Malcolm Spiteri

SKORER: E. Santos De Souza 43 (F)

AMMONITI: F. Sasere, Fernandinho (2) (F), J. Borg, G. E. Achempong (S)

TKEĊĊ: Fernandinho 92 (F)