Floriana …….1
Zabbar SP…..0
Minn Cristian Muscat
Goal kmieni kien biżżejjed biex Floriana jirreġistraw it-tieni rebħa f’din it-tieni fażi tal-Malta Premier League biex b’hekk għelbu lil Zabbar St Patrick bl-iskor ta’ 1-0.
Floriana kellhom lil Carlo Zammit Lonardelli sospiż u lil Dunstan Vella nieqes għax imweġġa’.
Min-naħa l-oħra għal Zabbar, Kristian Keqi u Jurgen Pisani kienu qed jaffrontaw proprju lill-eks team tagħhom, li miegħu rebħu wkoll il-Kampjonat Premier.
Floriana fetħu l-iskor proprju fl-ewwel periklu li ħolqu, eżattament, fis-seba’ minuta meta Franklin Sasere indirizza cross lejn JORK EBLIN BACERRA PORTOCARRERO li minn taħt il-lasti tefa’ ġewwa bil-ballun jaħbat ma’ sieq il-wieqfa qabel intemm fix-xibka.
Peró, ir-ritmu naqas u l-logħob kien karatterizzat f’nofs il-ground … sakemm fis-37 minuta, free-kick ta’ Diogo Joao Tavares ġie ppanċjat mill-goalkeeper ta’ Floriana, Christoffer Mafoumbi.
Floriana wieġbu fit-43 minuta meta minn azzjoni ta’ corner, Portocarrero kellu d-daqqa ta’ ras tispiċċa barra.
Fis-60 minuta Floriana reġgħu ħolqu l-periklu meta Becerra għadda tajjeb lejn Sasere li min-naħa tiegħu xeħet cross fid-direzzjoni ta’ Elvis Mashike Sukisa li kellu d-daqqa ta’ ras tiegħu salvata tajjeb mill-goalkeeper żagħżugħ ta’ Zabbar, Luca Camilleri.
L-azzjoni sussegwenti waslet biss fit-83 minuta b’Zabbar ikunu huma li joħolqu l- periklu meta free-kick insidjuż tal-captain Brian Ariel Gambarte ġie salvat mingħajr wisq diffikultá minn Mafoumbi.
Floriana wieġbu ħames minuti wara meta freekick insidjuż ieħor din id-darba tal-ispeċjalista Jake Grech, ġie salvat tajjeb minn Camilleri.
L-istess Jake Grech seta’ kien il-protagonista għall-Greens minuta biss wara meta huwa dar tajjeb ma’ Camilleri, iżda difensur ta’ Zabbar salva l-ballun minn fuq il-linja biex evita goal ċert.
FLORIANA: 45-Christoffer Mafoumbi, 4-Oualid El Hasni, 9-Elvis Mashike Sukise (94-Jose Fernando Gomes), 11-Zachary Scerri, 14-Jork Eblin Becerra Portocarrero (8-Jake Grech 67), 20-Matias Nicolas Garcia, 25-Julian Gonzalo Gamarra, 27-Franklin Sasere, 55-Alexandros Kouro, 77-Aleandro Garzia, 79-Serge Cedric Guy Yameogo – Coach: Darren Abdilla
ZABBAR SP: 1-Luca Camilleri, 5-Jake Micallef (9-Sean Gatt 86), 8-Felix Wallace Bonilha, 10-Brian Ariel Gambarte (95-Marcelo Barros Santos 64), 13-Zachary Grech (11-Stefan Ilic 46), 17-Jurgen Pisani, 19-Diogo Joao Tavares (16-Izaak Etim Akpan 86), 28-Vinicius De Paiva, 30-Kristian Keqi (99-David Oliveira Souza 57), 31-Joao Pedro De Sa Mendonca, 55-Dorde Jovicic – Coach: Aniello Parisi
REFEREE: Alex Johnson
ASS. REFEREES: Vasil Vasilev, Jareth Grima
RABA’ UFF: Glen Tonna
SKORER: J. E. Bacerra Portocarrero 7 (F)
AMMONITI: J. E. Becerra Portocarrero (F), D. Jovicic (Z)
