Pietá H……………..1
Floriana……………3
Floriana, irritornaw għar-rebħ meta għelbu lit-team tal-qiegħ tal-klassifika, Pietá Hotspurs, bl-iskor konvinċenti ta’ 3-1.
Kienu Floriana li ħolqu l-ewwel periklu fis-sitt minuta meta cross-shot ta’ Jose Ulises Arias ġie mtajjar tajjeb mill-goalkeeper ta’ Pietá, Reeves Cini.
Mal-kwarta logħob, il-Greens fetħu l-skor meta MATTIA VESELJI qabeż tajjeb żewġ difensuri avversarji u kellu xutt angulat li ntemm fir-rokna tax-xibka.
Pietá wieġbu fl-24 minuta meta Kian Leonardi qabeż żewġ players avversarji qabel kellu x-xutt tiegħu minn gol-kaxxa jintemm barra.
Fis-47 minuta, Kian Leonardi dejjem għall-Hotspurs kellu xutt mid-distanza li għadda ftit barra.
Madankollu, kienu Floriana li rduppjaw l-iskor fis-66 minuta meta wara indeċiżjoni fil-midfield minn Pietá, KEMAR REID, interċetta l-pass, avvanża tajjeb, dar mal-goalkeeper ta’ Pietá, Reeves Cini, u tefa’ l-ballun f’lasta vojta.
Pietá naqqsu l-marġni tal-iskor fit-78 minuta meta OJO TEMITOPE mill-viċin għeleb lill-goalkeeper sostitut tal-Greens, Duncan Formosa, li kien ilu biss sitt minuti fil-ground.
Minuta biss wara, Floriana, rebħu penalty meta James Scicluna twaqqa’ fil-kaxxa minn player avversarju. Mill-11-il metru, inkariga ruħu s-sostitut ANDREI CIOLACU li ma żbaljax, hekk kif tefa’ l-ballun naħa u lill-goalkeeper Cini n-naħa opposta.
Pietá H.: 1-Reeves Cini, 2-Samuel Okoh, 3-Clinton Bangura, 4-Sheldon Mizzi (18-Ivin Farrugia 80), 5-Ojo Temitope (30-Luca Gatt 90), 7-Jake Ghio (17-Kurt Briffa 72), 11-Alan David Schembri Wismayer (8-Terence Agius 80), 19-Yuto Morita (Paul Lapira 46), 24-Atanda Ogungbe, 95-Kian Leonardi, 99-Takuma Yamaguchi Coach: Rodney Bugeja
Floriana: 33-Georgi Kitanov (1-Duncan Formosa), 4-Oualid El Hasni, 5-Zachary Cassar, 7-Mattia Veselji, 8-Kemar Reid (9-Andrei Ciolacu 77), 10-Jose Ulises Arias, 24-Lorenzo De Grazia, 25-Lorenzo Trillo, 28-Emiliano Callegari, 30-Jan Busuttil (11-James Scicluna 77), 77-Aleandro Garzia (21-Carlo Zammit Lonardelli 54) Coach: Gianluca Atzori
Referee Stefan Pace
Ass. Referees: Roberto Vella, Paul Apap
Raba’ Uffiċjal: Daniel Portelli
Skorers: M. Veselji 15, K. Reid 66, A. Ciolacu pen. 79 (F), O. Temitope 77 (P)
Ammoniti: A. Garzia (F), J. Ghio (P)
Player tal-Logħba: Mattia Veselji (F)
