Minn Cristian Muscat
Gzira United ……1
Floriana ………….2
Minkejja li kwarta mit- tmiem sfaw jilagħbu bi player inqas meta tkeċċielhom il-goalkeeper, Floriana għelbu lil Gzira United bl-iskor ta’ 2-1 biex telgħu punt taħt il-leaders Hibernians u taw twissija serja li huma sfidanti denji għar-rebħ tat-titlu.
Kienu Floriana li ħarġu tajjeb u fil-11-il minuta fetħu l-iskor meta Jose Ulises Arias approfitta minn indeċiżjoni fid-difiża tal-Maroons, għadda tajjeb lejn l-attakkant JAN BUSUTTIL li mill-viċin spara gewwa.
Huma komplew fuq l-offensiva u mal-kwarta logħob kienu sfortunati li ma rduppjawx meta Arias għadda lejn Ryan Camenzuli li venven xutt minn pożizzjonni angolata li stampa mal-mimduda, bi Gzira jeħilsuha ħafif.
Kull ma jmur kompla d-dominju assolut ta’ Floriana u żewġ minuti biss wara s-solitu Arias serva lil Ryan Camenzuli li kellu x-xutt fil-baxx tiegħu minn barra l-kaxxa jintemm ftit barra.
Fl-40 minuta, il-Greens irduppjaw meta Andrei Ciolacu għadda tajjeb lejn JOSE ULISES ARIAS li minn quddiem il-goalkeeper ta’ Gzira, Darijan Zarkov, ma żbaljax. Erba’ minuti wara Gzira resqu viċin iżda minn taħt il-lasti Clive Gauci għamel l-impossibbli u xeħet barra.
U fit-48 minuta kienu sfortunati li x-xutt ta’ Zachary Scerri minn barra l-kaxxa ġie mċaħħad mill-mimduda.
Fil-75 minuta, Floriana tilfu lill-goalkeeper, Georgi Kitanov, meta kkommetta foul professjonali fuq Toni Kolega li kien tiela’ waħdu u f’pożizzjoni li seta’ jiskorja.
Tliet minuti mit-tmiem il-Maroons naqqsu l-marġni meta ngħataw penalty wara li Matias Nicolas Garcia waqqa’ lil Jefferson De Assis fil-kaxxa … u mill-11-il metru MAXUELL MAIA xeħet lis-sostitut Manuel Bartolo fuq in-naħa l-ħażina.
Fil-ħin miżjud Jefferson De Assis falla li jikseb id-draw meta minn taħt il-lasti ġie mblukkat minn Callegari.
GZIRA U.: 30-Darijan Zarkov, 3-Gabriel Bohrer Mentz, 4-Marko Cosic, 5-Luke Tabone (17-Clive Gauci 31), 6-Nikolai Muscat, 7-Steve Pisani, 8-Zachary Scerri, 19-Antonio Pavic (9-Toni Kolega 61), 91-Maxuell Maia, 94-Jefferson De Assis, 98-Jackson Mendoza – Coach: Darren Abdilla
FLORIANA: 33-Georgi Kitanov, 2-Adam Magri Overend, 3-Christian Rutjens, 5-Zachary Cassar, 6-Rumyan Hovsepyan (20-Matias Nicolas Garcia 78), 10-Jose Ulises Arias (29-Eugeniu Rebenja 61), 11-Andrei Ciolacu (23-Brian Ariel Gimenez 93), 22-Brandon Paiber, 28-Emiliano Callegari, 30-Jan Busuttil (26-Manuel Bartolo 78), 94-Ryan Camenzuli (27-Andreas Vella 78) – Coach: Gianluca Atzori
REFEREE: Matthew Degabriele
ASS. REFEREES: Jurgen Spiteri, Mitchell Scerri
RABA’ UFF: Alex Johnson
SKORERS: J. Busuttil 11, J. U. Arias 40 (F), M. Maia 88 pen (GU)
AMMONITI: G. Bohrer Mentz, M. Maia (GU), C. Rutjens, E. Callegari, R. Hovsepyan (F)
TKEĊĊA: G. Kitanov 75 (F)