Marsaxlokk…….1
Floriana…………5
Floriana umiljaw lil Marsaxokk meta għelbuhom bl-iskor kbir ta’ 5-1, fejn huma kienu diġá assigurati mit-tliet punti sa tmiem l-ewwel taqsima, hekk kif diġá kienu erba’ goals minn fuq.
Il-Greens fetħu l-iskor fis-27 minuta meta wara li rċieva minn cross fil-baxx ta’ Adam Magri Overend, ZACHARY CASSAR, kellu xutt b’saħħtu minn ġol-kaxxa li ntemm ġewwa.
Huma komplew fuq l-offensiva u ħames minuti wara rduppjaw l-iskor meta Jan Busuttil għalkemm ippressat mill-goalkeeper tax-Xlukkajri, Marko Drobnjak, għadda lejn LORENZO TRILLO li mill-viċin tefa’ fix-xibka.
Kulma jmur kompla d-dominju assolut ta’ Floriana, u fid-39 minuta għamluhom tlieta meta Mattia Veslji għadda tajjeb lejn JOSE ULISES ARIAS li b’eleganza tefa’ l-ballun wara l-goalkeeper tal-Greens,
U jidher li huma ma kinux kuntenti biżżejjed b’dan l-iskor hekk kif fil-ħin miżjud tal-ewwel taqsima, rebħu penalty meta Drobnjak waqqa’ lil Veselji fil-kaxxa. Mill-11-il metru nkariga ruħu l-istess JAN BUSUTTIL, li ma żbajlax, bi Drobnjak isalva parzjalment il-ballun, iżda ma rnexxielu jagħmel xejn biex jimpedixxi milli l-ballun jintemm fix-xibka.
Floriana skorjaw il-ħames goal fit-53 minuta meta Veselji qabeż tajjeb difensur avversarju u b’eleganża bit-takkuna għadda tajjeb lejn JAN BUSUTTIL li tefa’ ġewwa, biex irreġistra doppjetta personali.
Marsaxlokk skorjaw il-goal tal-bandiera fid-90 minuta meta TERENCE VELLA kellu t-tentattiv tiegħu minn freekick jintemm ġewwa bil-ballun jaħbat quddiem il-goalkeeper Reece Cutajar qabel intemm fix-xibka.
Marsaxlokk: 95-Marko Drobnjak, 5-Christopher Edafe Uzeh, 7-Ayrton Attard, 17-Peter Xuereb (8-Terence Vella 76), 20-Peter Sammut (21-Adrian Santiago Ferraris 56), 22-Dale Mifsud (93-Sanago Vamara 56), 24-Juan Cruz Aguillar, 30-Ryan Scicluna, 37-Santiago Fabian Moracci, 88-Dejan Vukovic (16-Kaylon Dimech 87), 96-Daniel Agius Coach: Pablo Doffo
Floriana: 37-Reece Cutajar, 2-Adam Magri Overend, 4-Oualid El Hasni (14-Eman Micallef 86), 5-Zachary Cassar (18-Christopher Junior Buttigieg 86), 7-Mattia Veselji, 10-Jose Ulises Arias, 17-Owen Spiteri, 19-Luca Accarino (11-Raul Formosa 86), 25-Lorenzo Trillo (9-Kemar Reid 64), 28-Emiliano Callegari, 30-Jan Busuttil (26-Alen Melunovic 73) Coach: Gianluca Atzori
Referee: Ezekiel Barbara
Ass. Referees: Alan Camilleri, Robert Curtis
Raba’ Uffiċjal: Slawomir Olucha
Skorers: Z. Cassar 27, L. Trillo 32, J. U. Arias 39, J. Busuttil 47, 52 (F), T. Vella 90 (M)
Ammoniti: M. Drobnjak (M)
Player tal-Logħba: Jan Busttil (F)
