Se jkunu Floriana Premier CC u Fgura Darts Club li se jikkontestaw il-finali tal-kampjonat tas-sajf organizzat mill-MDA wara li rebħu s-semifinali rispettiva tagħhom fuq żewġ legs.
Floriana Premier CC issoprendew lil Ħamrun Bayern fl-ewwel leg hekk kif rebħulhom 4-2 sabiex fit-tieni leg huma ġew draw ta’ 3-3, riżultat li kien biżżejjed sabiex iwassalhom sal-finali.
Fgura Darts Club komplew iżommu l-konsistenza tagħhom hekk kif rebħu ż-żewġ legs tas-semifinali l-oħra kontra Floriana MCP 5-1 u 4-2 sabiex qatgħu passaġġ għall-finali li se ssir fl-aħħar ta’ dan ix-xahar.
Floriana Premier CC u Fgura Darts Club jilagħbu fil-finali f’data li għad trid titħabbar.
