Minn Cristian Muscat
Awstrija………………0
Olanda………………..4
Wara li nhar il-Ġimgħa li għadda sfaw megħluba mill-Awstrija bl-iskor ta’ 2-1, l-Olanda wettqet tpattija sportiva meta għelbet lill-istess Awstrija bl-iskor kbir ta’ 4-0. Din kienet it-tieni partita ta’ ħbiberija bejn dawn iż-żewġg timijiet li ntlagħbet fl-Istadium Nazzjonai f’Ta’ Qali, bl-ewwel waħda tintlagħab fil-Gozo Stadium.
L-Olandizi fetħu l-iskor fit-13-il minuta, meta LINETH BEERENSTEYN approfittat bis-sih minn indeċiżjoni fid-difiża tal-Awstrija, u minn pożizzjoni idealia tefgħet ġewwa.
L-Olanda komplew fuq l-offensiva u fil-41 minuta rduppjaw l-iskor permezz ta’ freekick dirett ta’ LIEKE MARTENS li ma ta l-ebda ċans lill-goalkeeper tal-Awstrija , b’dan ikun it-58 goal tagħha bil-flokk tat-tim nazzjonali Olandiż u t-tieni wieħed għal pajjiżha kontra l-Awstrija, wara li nhar il-Ġimgħa li għadda, kien diġá rnexxielha ssib ix-xibka.
Fit-tieni taqsima, l-Olanda komplew fejn ħallew fl-ewwel waħda u fit-63 minuta minn cross-shot ta’ Lieke Martens, ma kien hemm ħadd mill-players sħabha li seta’ jagħmel kuntatt mal-ballun, li finalment intemm barra.
Huma komplew fuq l-offensiva u minuta biss wara xutt minn barra l-kaxxa ta’ Esmee Brugts għadda ftit għoli.
Kulma jmur kompla d-dominju assolut tal-Olandiżi u fit-73 minuta għamluhom tlieta meta wara li rċeviet minn azzjoni ta’ corner, LINETH BEERENSTEYN, minn taħt il-lasta tefgħet ġewwa, biex b’hekk irreġistrat doppjetta personali.
Huma komplew jippressaw u minuta biss wara ssiġillaw ir-rebħa permezz tar-raba’ goal meta Lineth Beerensteyn għaddiet tajjeb lejn ESMEE BRUGTS li minn pożizzjoni ċentrali u b’xutt mill-ewwel tefgħet il-ballun f’lasta vojta.
Awstrija: 21-Isabella Kresche (23-Jasmin Pal 46), 2-Claudia Wenger (7-Carina Wenninger 46), 8-Barbara Dunst, 16-Annabel Schasching, 10-Laura Feiersinger (9-Sarah Zadrazil 46), 11-Marina Georgieva, 22-Lisa Kolb (M. T. Hobinger 46), 15-Nicole Billa (5-Eileen Campbell 65), 17-Sarah Puntigam, 13-Virginia Kirchberger, 20-Katharina Nascherweng (19-Verena Hanshaw 75) Coach: Irene Fuhrmann
Olanda: 1-Daphne van Domselaar, 3-Stefanie van der Gragt, 7-Lineth Beerensteyn (17-Romee Leuchter 79), 10-Danielle van de Donk (6-Jill Baijings 87), 11-Lieke Mertens (13-Renate Janssen 88), 14-Jackie Groenen, 18-Kerstin Casparij (2-Lynn Wilms 80), 20-Dominique Hanssen, 21-Damaris Egurrola, 22-Esmee Brugts (15-Caitlin Djikstra 79), 24-Victoria Pelova Coach: Andries Jonker
Referee: Maria Marotta (Italja)
Ass. Referees: Veronica Vetorello, Veronica Martinelli (Italja)
Skorers: L. Beerensteyn 13, 73, L. Martens 41, E. Brugts 74 (O)
Ammoniti: D. Egurrola (O), C. Wenger, L. Feiersinger (A)
