“Kellna inċidenti li setgħu kienu serji imma, fortunatament, s’issa ma kellna ebda telefonata li tinvolvi periklu ta’ ħajja. Aħna nitolbu li ma jweġġa’ ħadd. Ħalli jkollna x-xogħol aħna imma l-prijorità hija li ma jweġġa’ ħadd.”
Qal dan kelliem tad-Dipartiment tal-Protezzjoni Ċivili dwar il-ħidma estensiva li għaddejjin biha bħalissa kawża tat-temp estrem li qegħdin jesperjenzaw il-gżejjer Maltin.
Minn dettalji li ta lil dan is-sit, illum għandhom madwar 50 pumpiera u tmien uffiċjali fuq il-lant tax-xogħol.