Juventus qed jirsistu sabiex jiksbu l-firma tal-eks plejer ta’ Atalanta u AC Milan Franck Kessie. Dan il-plejer ta’ nofs il-grawnd dan l-aħħar kien qed jilgħab ma’ Barcellona iżda ftit spikka hekk kif skorja gowl wieħed biss fi 28 partita.
Minkejja kollox, id-direttur sportiv il-ġdid ta’ Juventus Cristiano Giuntoli beda b’taħditiet mal-Katalani fit-tentattiv li jasal għal dan il-plejer mill-Kosta tal-Avorju. Hu jrid joqgħod attent minn xi attenzjoni li qed ikollu minn xi klabbs tal-kampjonat Premier Ingliż u mis-Saudi Pro League.