Iċ-champions Paris St-Germain żammew il-vantaġġ ta’ tmien punti li kellhom qabel il-programm ta’ tmiem il-ġimgħa meta barra minn darhom għelbu lil Angers 2-1 b’doppjetta fl-ewwel taqsima ta’ Kylian Mbappe (9, 26) b’Sadi Thiout (87) jiskorja l-goal ta’ konsolazzjoni għat-telliefa.
Marseille żammew it-tieni post meta għelbu lil Lyon 2-1 barra minn darhom b’Lens jiksbu rebħa ta’ 3-0 fuq Monaco.
PSG għandhom 75 punt, Marseille 67, Lens 66 u Monaco 61 meta għat-tmiem fadal sitt logħbiet oħra.
