Il-midfielder ta’ Barcelona, Frenkie de Jong, huwa lest li jħalli lill-ġganti Katalani dan is-sajf.
Il-futur tal-player internazzjonali Olandiż bħalissa huwa suġġett ta’ ħafna spekulazzjonijiet, bil-manager konfermat ta’ Manchester United Erik ten Hag qal li hu ħerqan li jġibu f’Old Trafford.
Ir-Red Devils jistgħu jużaw lil Marcus Rashford bħala parti mit-trasferiment għall-akkwsit potenzjali ta’ dan il-midfielder, b’rapport riċenti jsostni li l-ġganti Katalani huma miftuħa għall-offerti fis-suq li ġej.
Jidher li minkejja li De Jong kien player ewlieni għal Barcelona matul l-istaġun 2021-22, l-Olandiż ‘mhux kompletament kuntent fil-club’ u qed jikkunsidra li jħalli l-club fis-sajf.
Jidher li l-ex player ta’ Ajax qed isir dejjem aktar frustrat li jiġi sostitwit matul it-tieni taqsima tal-partiti, wara li temm biss sebgħa mill-aħħar 27 partita tiegħu taħt il-gwida ta’ Xavi.
De Jong skorja erba’ goals u pprovda ħames assists fi 43 dehra għall-club Katalan tiegħu matul l-istaġun 2021-22, iżda huwa lagħab biss id-90 minuta sħaħ fil-La Liga f’okkażjoni waħda mill-bidu ta’ Frar li għadda.
Il-player ta’ 24 sena għad fadallu aktar minn erba’ snin fil-kuntratt tiegħu fil-Camp Nou iżda offerti fir-reġjun ta’ £58m jiġu kkunsidrati matul it-tieqa tat-trasferimenti tas-sajf li ġej.