Il-futur tal-winger Ġermaniż Robin Gosens ma’ Inter jidher wieħed ferm imċajpar hekk kif f’Jannar hu għandu rieda qawwija li jiċċaqlaq u jmur jilgħab x’imkien ieħor.
Hekk kif il-kowċ Simone Inzaghi ftit tah spazju f’dan l-ewwel parti tal-istaġun filwaqt li ġie mwarrab mis-selezzjoni Ġermaniża għat-tazza tad-dinja, Gosens qed jgħodd il-ġranet sabiex jitlaq minn San Siro.
Sadanittant, it-tim minn Milan diġa’ qed jaħseb għas-sostitut tiegħu minħabba li qiegħed f’taħditiet sabiex jakkwistaw lil Borna Sosa mingħand Stuttgart.