Jidher li l-midfielder ta’ Manchester United Juan Mata qed jikkunsidra l-futur tiegħu ‘il bogħod minn Old Trafford, minħabba nuqqas ta’ football regolari mal-ewwel team tar-Red Devils.
Il-player ta’ 33 sena, li lagħab f’disa’ logħbiet tal-Premier League biss l-istaġun li għadda, u 62 minuta fl-EFL Cup s’issa matul dan l-istaġun u ma ssejjaħx fl-iskwadra fit-telfa ta’ 1-0 ta’ tmiem il-ġimgħa li għaddiet kontra Aston Villa.
Mata fadallu inqas minn 12-il xahar fil-kuntratt tiegħu u jista’ jħalli lir-Red Devils bi free transfer fis-sajf li ġej, madankollu huwa mifhum li l-Ispanjol jista’ jħalli l-club f’Jannar.
Bit-team ta’ Ole Gunnar Solskjaer bħalissa għaddej minn serje diffiċli ta’ forma, inkluża l-eliminazzjoni tagħhom mill-EFL Cup, iċ-ċansijiet ta’ Mata fl-ewwel team issa jistgħu jitnaqqsu peress li l-manager Norveġiż x’aktarx se jkun qed isejjaħ l-aktar skwadra qawwija tiegħu biex idawwar il-fortuni tagħhom.
Wara l-wasla ta’ Jadon Sancho dan is-sajf, kif ukoll ir-ritorn imminenti ta’ Marcus Rashford mill-injury, Mata mhxu mistenni jkun utilizzat b’mod regolari.
Mata għamel 274 dehra fil-kompetizzjonijiet kollha għal Manchester United minn meta ngħaqad mal-club mingħand Chelsea fl-2014, skorja 51 goal u pprovda 47 assist.
