Chelsea jistgħu jidħlu f’taqtiegħa ma’ Arsenal u Real Madrid għall-firma tal-attakkant ta’ Manchester City, Gabriel Jesus, dan is-sajf.
Il-player internazzjonali tal-Brażil mistenni jitlaq liċ-champions tal-Premier League qabel l-istaġun 2022-23, b’Julian Alvarez u Erling Braut Haaland it-tnejn ġew akkwistati mis-Citizens.
Arsenal ilhom jitqiesu bħala favorite għall-firma ta’ Jesus, minkejja li naqsu li jikkwalifikaw għaċ-Champions League meta spiċċaw fil-ħames post matul l-istaġun li għadda.