Arsenal qablu dwar ftehim ma’ Manchester City għat-trasferiment ta’ Gabriel Jesus.
Iż-żagħżugħ ta’ 25 sena reġa’ kien regolari għas-Citizens matul l-istaġun 2021-22, fejn għamel 36 dehra fil-kompetizzjonijiet kollha, skorja 12-il goal u pprovda 12-il assist fil-proċess.
Jesus tħabat għall-bidu regolari dan l-istaġun, madankollu, u jkun qed jitlef postu jekk Erling Braut Haaland jingħaqad magħhom minn Borussia Dortmund dan is-sajf.
Arsenal kienu marbuta b’mod qawwi mal-player internazzjonali tal-Brażil f’dawn l-aħħar ġimgħat, hekk kif il-Gunners qed jippreparaw biex jitilfu kemm lil Alexandre Lacazette kif ukoll lil Eddie Nketiah bi free transfers dan is-sajf.
Jidher li t-team immexxi minn Mikel Arteta diġà laħaq ftehim maċ-champions Ingliżi għall-akkwist ta’ Jesus.
Huwa mifhum li l-Gunners se jħallsu madwar €50m għall-player mill-Amerika t’Isfel.
Jesus jista’ jkun wieħed minn żewġ attakkanti ġodda li jaslu fl-Emirates Stadium dan is-sajf, fejn huwa mistenni t-tluq ta’ Lacazette u Nketiah minn mal-Gunners.
