AC Milan identifikaw lill-attakkant ta’ Arsenal, Gabriel Martinelli, bħala sostitut ideali għal Rafael Leao.
L-istilla tal-Portugall Leao kellha rwol prominenti fil-mixja ta’ AC Milan għat-titlu tas-Serie A 2021-22, u Chelsea ppruvaw mingħajr suċċess jakkistawh fis-sajf li għadda.
Iż-żagħżugħ ta’ 23 sena kompla bil-forma qawwija tiegħu matul l-istaġun 2022-23 fejn irreġsitra seba’ gowls u disa’ assists minn 20 dehra, u skorja wkoll żewġ gowls għall-Portugall fit-Tazza tad-Dinja, minkejja li għadu ma beda l-ebda logħba fil-Qatar.
