Galatasaray qed iħejju offerta ta’ nofs l-istaġun għall-attakkant ta’ Manchester United, Cristiano Ronaldo.
Il-futur ta’ dan il-player ta’ 37 sena qed jerġa’ jitqiegħed f’dubju, bir-Red Devils maħsuba li lesti jħalluh jitlaq mill-club matul it-tieqa tat-trasferimenti ta’ Jannar.
Ronaldo tħabat biex jidħol fil-formazzjoni inizjali f’Old Trafford dan l-istaġun, u kien sostitut mhux utilizzat waqt id-derby ta’ Manchester kontra Manchester City nhar il-Ħadd li għadda.