Gareth Southgate ta ħjiel li se jfittex karriera lil hinn mill-futbol wara li rriżenja mill-kariga ta’ kowċ tat-tim nazzjonali Ingliż.
Hu qal li wara tmien snin iservi wieħed mill-iktar rwoli importanti fl-isport Ingliż u anke fid-dinja, qed jaħseb sew sabiex imur għal xi ħaġa oħra li jista’ jkun li m’għandhiex x’taqsam mal-futbol.
Southgate għandu 54 sena u wara karriera ta’ plejer ma’ Crystal Palace, Aston Villa u Middlesbrough, lagħab ukoll mat-tim nazzjonali Ingliż bejn l-1995 u l-2004.
Fl-2016 kien iddebutta bħala manager tat-tim Ingliż proprju kontra Malta f’Wembley Stadium u minn dakinhar ‘l hawn mexxihom għal 102 partiti.