Meta kien qed jitkellem matul il-ġurnata tal-bieraħ, l-għada tar-rebħa Ingliża fuq Wales, il-kowċ tal-Ingilterra Gareth Southgate ta ġurnata ta’ mistrieħ lill-players tiegħu wara dak kollu li għamlu f’dawn il-jiem fejn spiċċaw l-ewwel fil-grupp u kisbu seba’ punti minn tliet logħbiet.
Southgate qal li jekk erba’ snin ilu kien tahom il-permess li jixorbu l-birra, din id-darba ma jistax jagħmel l-istess u għalhekk se jkollhom jikkuntentaw b’meraq tal-frott.
Southgate faħħar lill-players tiegħu u appellalhom biex jibqgħu ffukati fil-logħba li għandhom kontra s-Senegal.
