F’intervista li ta riċentement lill-istazzjon Ingliż BBC, il-kowċ tat-tim nazzjonali Ingliż Gareth Southgate tkellem dwar id-drittijiet umani li l-ħaddiema fil-Qatar xi kultant huma neqsin minnhom.
Hekk kif fadal inqas minn 20 ġurnata għall-bidu tat-tazza tad-dinja, diversi ħaddiema tal-kostruzzjoni fil-Qatar qed jaħdmu qatigħ sabiex kollox ikun kif suppost għal dan l-avveniment uniku għall-pajjiż.
Southgate qal li kemm-il darba mar f’dan il-pajjiż u nnota kif għal dawn l-aħħar snin, dawn il-ħaddiema mhux dejjem ġew trattati tajjeb meta tqis li huma kkontribwixxew għall-bini tal-grawnds fejn se jintlagħbu l-logħob.
Finalment hu qal li anke dawn il-ħaddiema huma partitarji tal-futbol u jistħoqqilhom jkunu trattati bl-aqwa mod possibbli.
