Il-kowċ ta’ Napoli Antonio Conte identifika plejer li eventwalment jista’ jieħu post il-midfielder minn Georgia Kvicha Kvaratskhelia li hemm li mistenni jmur ma’ Paris St Germain. Fil-fatt, Conte jrid lil Alejandro Garnacho li bħalissa hu reġistrat ma’ Manchester United.
Kvaratskhelia informa lill-klabb Partenopeo li jixtieq jitlaq minn Stadio Diego Armando Maradona proprju matul dan ix-xahar. Hu kien nieqes fil-konfront li Napoli kellhom kontra Hellas Verona fi tmiem din il-ġimgħa u għalhekk jidher li l-ġranet tiegħu fin-nofsinhar tal-Italja huma magħduda.
